ВОХУРИИ СУДМАНД !

ВОХӮРИИ СУДМАНД !
Мавзӯи ватандӯстӣ, худшиносии миллӣ ва арҷ гузоштан бар арзишҳои олии кишвар аз ҷумлаи мавзӯъҳои муҳимми раванди таълиму тарбия ба ҳисоб рафта, омӯзишии он вазифаи аввалиндараҷа ва муқаддаси ҳар як шаҳрванди Ҷумҳурии Тоҷикистон ба ҳисоб меравад. Имрӯз дар робита ба ин масъала Ҳукумати Ҷумҳурии Тоҷикистон таваҷҷуҳи вижа дорад ва таъмими ин масъала дар тамоми сохторҳои илмию таълимӣ, ба роҳ монда шудааст. Дар партави Қабули Қонуни Ҷумҳурии Тоҷикистон дар бораи тарбияи ватандӯстии шаҳрвандон ва амали гардонидани “Барномаи таълим ва тарбияи ҳуқуқии шаҳрвандони Ҷумҳурии Тоҷикистон барои солҳои 2020-2030 ” ҳамзамон баҳри амалӣ намудани дастуру супоришҳои Раиси Суди Олии Ҷумҳурии Тоҷикистон муҳтарам Мирзозода Рустам Пираҳмад рузи 06 майи соли 2025 бо иштироки Раиси суди ноҳияи Мир Сайид Алии Ҳамадонӣ Исозода Баҳодур Чиллахон, бо омӯзгорон ва донишҷӯёни Колеҷи тиббии ғайридавлатии ноҳия, вохурӣ ва мулоқоти судманд сурат гирифт. Зимни баромади худ Раиси суди ноҳияи Мир Сайид Алии Ҳамадонӣ Исозода Б.Ч. нахуст ҳозиронро ба муносибати ҷашнҳои дар пеш истода, рӯзи ҷавонони Тоҷикистон ва 28-умин солгарди рузи Ваҳдати миллӣ таҳнияту шодбош гуфта, аз дастовардҳои ватан, ки бевосита самараи Истиқлолияти давлатӣ маҳсуб меёбанд ёдовари намуд. Инчунин масъалаҳои зиёд дар роҳи боло бурдани маърифати ҳуқуқии шаҳрвандони мамлакат аз ҷумла роҳҳои пешгирӣ аз ҳуқуқвайронкуниҳо ва ҷинояту ҷинояткорӣ, шомил нагардидан ба сафи ҳизбу ҳаракатҳои ифротгарову даҳшатафкан, истифодаи оқилонаи шабакаҳои иҷтимоии интернет, таҳкими ҳисси баланди ватандӯстӣ, худшиносӣ ва ҳувияти миллӣ байни ҳозирин мавриди таҳлил ва баррасӣ қарор дод.
Ҳамзамон мавсуф таъкид намуд, ки ҳар як шаҳрванди ҷумҳурӣ барои абадӣ пойдор мондани сулҳу ваҳдат дар ҷомеа ва Истиқлолият дар Ватани азизамон саҳмгузор бошад. Дар замоне, ки гурӯҳҳои ифротгаро ва даҳшатафкан дар ҷомеаи ҷаҳонӣ ҷавононро ба ҳар навъ ҳаракатҳои террористӣ ва ниҳоят номатлуб роҳандозӣ мекунанд, вазифаи кӯдакону наврасон ва ҷавонон мо ин пеш аз ҳама омӯзиши илмҳои муосир, забондонӣ, маърифат, худогоҳӣ ва боло бурдани зиракии сиёсӣ ва ҷаҳонбинӣ ба шумор меравад.
Қабули Қонуни Ҷумҳурии Тоҷикистон дар бораи тарбияи ватандӯстии шаҳрвандон яке аз иқдомҳои хирадмандона ва саривақтии Ҳукумати Ҷумҳурии Тоҷикистон дар шароити назми навини ҷаҳонӣ ва зуҳури таҳдиду хатарҳои сиёсиву амниятӣ дар минтақа ва дунё маҳсуб мегардад.
Ин қонун ҷомеаи шаҳрвандии Тоҷикистон, кӯдакону наврасон ва ҷавононро ба масири дурахшони ватандӯстӣ, ҷаҳонбинии илмӣ ва хештаншиносӣ даъват менамояд. Зеро маҳз ҷаҳонбинии илмӣ, шарофату номуси ватандорӣ ва ниҳоятан боло бурдани ҳисси ватандӯсти кафолати саодат, мояи ифтихор ва ояндаи дурашони Тоҷикистони соҳибистиқлолу дунявироо таъмин ва фароҳам меоварад.