КАФИЛИ ФАРДОИ ДУРАХШОНИ МО

КАФИЛИ ФАРДОИ ДУРАХШОНИ МО
Таҳти ҳамин шиор нимаи дуюми рузи 06 майи соли 2025 бо иштироки раиси Суди ноҳия Исозода Баҳодур Чиллахон, мудири шуъбаи маорифи ноҳия Сайидмуминзода М. ва Муҳаммад Шарифзода намоянда аз ШВКД дар ноҳия дар толори маҷлисгоҳи МТМУ №14 мулоқоти судманд бо хонандагон ва падару модари онҳо доир шуд.
Нахуст, сухани ифтитоҳиро мудири шуъбаи маорифи ноҳия Сайдмуминзода М., кушода, меҳмононро ба ҳозирин муаррифӣ намуда суханро ба раиси Суди ноҳия Исозода Баҳодур Чиллахон доданд.
Зимни баромади худ раиси Суди ноҳия Исозода Б.Ч., иброз доштанд, ки; “Ҷумҳурии Тоҷикистон давлати ҳуқуқбунёду дунявӣ буда, итоат аз қонун ва таъмини ҳуқуқу озодиҳои инсон ва шаҳрванд асоси тамоми пешрафт ва музаффариятҳои ҷомеаи шаҳрвандӣ ва муосири Тоҷикистонро дар бар мегирад. Дар даврони соҳибистиқлолии мамлакат бо қабули қонунҳои миллӣ ва тағйиру иловаҳо дар Конститутсия ва қонунҳои меъёриву ҳуқуқӣ, имкон фароҳам оварда шуд, ки сокинони шарафманду босаодати кишвар дар ҳимояи қонун бошанд.
Таъкид гардид, ки маҳз дар даврони соҳибистиқлолии мамлакат, таҳти иродаи сиёсии Асосгузори сулҳу ваҳдати миллї- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Конститутсия чун кафили ҳуқуқ ва озодиҳои инсон ҳамаҷониба такмил ёфта, қонунгузорӣ дар Тоҷикистони соҳибистиқлол барои ҳифзи ҳуқуқу озодиҳои инсон, таъмини суботи сиёсӣ, ҳифзи тартиботи ҷамъиятиву таҳкими иттиҳоду ҳамбастагии аҳолӣ хизмати шоиста намудааст. Ин аст, ки Конститутсияи Ҷумҳурии Тоҷикистон дар қатори панҷгонаи беҳтарин конститутсияҳои ҷаҳон қарор дорад.
Ҳамзамон, бо назардошти вазъи ҷаҳони муосир ва раванди ногувори зуҳури таҳдиду хатарҳо дар минтақа ва ҷаҳон аз қабили терроризму ифротгароӣ, хурофотпарастӣ, зиёдаравӣ ва бегонапарастӣ, қонуншиканӣ ва ҳуқуқувайронкунӣ аз ҷониби ноболиғон, истифодаи оқилона ва бошууронаи шабакаҳои иҷтимоии интернет, эҳтироми волидайн ва омӯзгор, ҳифзи сулҳу оромӣ, таҳкими пояҳои ваҳдати миллӣ дар мамлакат яке аз масъалаҳое мебошанд, ки ҳар яки моро зарур аст, то зиракии сиёсиро дар ин самт аз даст надиҳем”.
Исозода Б.Ч., иброз доштанд, ки 15 – уми апрели соли равон Президенти Ҷумҳурии Тоҷикистон муҳтарам Эмомалӣ Раҳмон дар баробари чанд лоиҳаи қонуни дигар, тағйиру иловаҳо ба Кодекси ҷиноятии Тоҷикистонро имзо намуд, ки барои истифодаи ғайриқонунии барқ ҷаримаи зиёд ва ё аз 3 то 10 сол зиндон пешбинӣ карда мешавад.
Тибқи лоиҳа ба моддаи 253 – и Кодекси ҷиноятӣ иловаи 1 изофа гардид, ки дар асоси он барои вайрон кардани қоида ва меъёрҳои истифодаи қувваи барқ ҷавобгарии ҷиноятиро пешбинӣ менамояд:
— Мутобиқи қисми якуми моддаи мазкур, “барои аз берун дахолат намудан ба таҷҳизоти ҳисоби барқӣ ва тағйир додани нишондоди он… инчунин, истифодаи барқ бе пайвасткунӣ ба таҷҳизоти ҳисоби барқӣ ва тағйир додани нишондоди он… инчунин, истифодаи барқ бе пайвасткунӣ ба таҷҳизоти ҳисоби барқӣ (агар чунин кирдор дар давоми як соли пас аз татбиқи ҷазои маъмурӣ содир шуда бошад) аз 27 ҳазору 375 то 41 ҳазору 25 сомонӣ ҷарима (аз 365 то 547 нишондиҳанда барои ҳисобҳо) ё то 3 соли зиндон татбиқ карда мешавад;
— дар асоси қисми 2 – и моддаи мазкур агар кирдори қисми 1 – уми ин модда “ба миқдори калон аз ҷониби шахс бо истифода аз мақоми хизматӣ ё аз ҷониби гуруҳи шахсон бо маслиҳати пешакӣ содир шуда бошад”, шахс аз 60 ҳазор то 90 ҳазор сомонӣ ҷарима ( аз 800 то 1200 нишондиҳанда барои ҳисобҳо) месупорад ва ё то 6 сол аз озодӣ маҳрум мешавад.
Кирдорҳои пешбининамудаи қисми 1 ё 2 – и ҳамин модда “агар ба миқдори махсусан, калон ё аз ҷониби гурӯҳи муташаккил ё иттиҳоди ҷиноятӣ (ташкилоти ҷиноятӣ) содир шуда бошанд”, аз 6 то 10 соли зиндон пешбинї мешавад.
Дар интиҳои мулоқот суолу ҷавоб ва дархосту таклифи иштирокчиён пешниҳод гардида, ба онҳо ҷавобҳои судманд гардонида шуд.