БАЛАНД БАРДОШТАНИ МАЬРИФАТИ ХУКУКИИ ЧАВОНОН 23.05.2025

Дар доираи таҷлили Рӯзи ҷавонони Тоҷикистон мулоқоти навбатии Роҳбарияти суди ноҳияи Мир Сайид Алии Ҳамадонӣ дар МТМУ рақами 2-и ноҳия бо иштироки Шоири халқии Тоҷикистон устод Алимуҳаммад Муродӣ мулоқоти судманду, суҳбати самимӣ доир шуд.
Нахуст, риштаи сухан ба Раиси суди ноҳия Исозода Баҳодур Чиллахон дода шуд.
Номбурда зимни суханронӣ нахуст аз тағйиру иловаҳо ба қонунҳои амалкунандаи кишвар дар самти маориф ва самаранок истифодабарии нерӯи қувваи барқ сухан ронд.
Иброз доштанд, ки яке аз дастовардҳои муҳимтарини замони соҳибистиқлолии кишвар ин қабули Конститутсияи Ҷумҳурии Тоҷикистон мебошад. Конститутсия ҳамчун ҳуҷҷати олии ҳуқуқӣ тавонист, ки рисолати ҳуқуқро амалӣ намуда, заминаи бунёди низоми ҳуқуқӣ ва қонунгузории кишвар гардад.
Аввалин Конститутсияи Тоҷикистони соҳибистиқлол, ки заминаи эъмори давлати мустақили миллӣ ва пешравии тамоми ҷанбаҳои ҳаёти мардуми мамлакатро фароҳам овардааст, яке аз дастовардҳои муҳимтарини мо мебошад.
Дар модаҳои ин санади олии ҳуқуқӣ махсус зикр гардидааст, ки ҳар як инсон ҳуқуқ ба таҳсил, зиндагӣ ва ҳаёти осоиштаро дошта, таъмини амнияту оромӣ аз тарафи давлат ба онҳо кафолат дода мешавад.
Дар доираи татбиқи қонунҳои мавҷуда, ҷавонони моро зарур аст, ки дар муассисаҳои таҳсилоти миёнаву олии мамлакат дониши худро боз ҳам васеъ намоянд, аз шароитҳои созандаи давлату Ҳукумати мамлакат дар самти андӯхтани дониш самаранок истифода баранд.
Ҳамчунин, номбурда аз тағйироти қонунҳои амалкунандаи соҳа, яъне, Қонуни Ҷумҳурии Тоҷикистон «Дар бораи масъулияти падару модар дар таълиму тарбияи кӯдак » сухан намуда, падару модар ва хонандагони ҷаласаро аз он тағйироти воридшуда огоҳ намуданд.
Рушди бонизоми ҳаёти сиёсӣ, иқтисодӣ, иҷтимоӣ ва фарҳангии ҷомеаро бе мавҷудияти тартиботи ҷамъиятӣ, афзалиятит ҳуқуқу озодии инсон, риоя ва эҳтиромгузорӣ нисбат ба арзишҳои инсонӣ ва монанди ин тасаввур намудан ғайриимкон аст.
Сипас, Шоири халқии Тоҷикистон устод, Алимуҳаммад Муродӣ идомаи сӯҳбатро дар ихтиёри худ гирифта, доир ба тинҷию оромӣ ва ваҳдати миллӣ сухан гуфта, бо ироаи шеърҳои баландмазмуни худ ҷавононро ба худшиносиву худогоҳӣ, эҳтироми падару модар ва қадри истиқлолияти комили кишвар даъват намуд.
Дар интиҳо аз тарафи раиси суди ноҳия Исозода Баҳодур бахшида ба Рӯзи ҷавонони Тоҷикистон ва Рӯзи ҷаҳонии футбол хонандагони фаъол бо тӯҳфаҳои хотиравӣ сарфароз гардиданд.